16623951 Danse Macabre

  • Published on
    30-Nov-2015

  • View
    27

  • Download
    8

Embed Size (px)

Transcript

<ul><li><p>La danse macabre historie et augmente de plusieurs nouveaux personnages et beaux dits </p><p> Hec pictura decus. pompam. </p><p>luxumque relegat: Inque choris nostris ducere festa monet. </p><p>Lacteur O creature raisonnable Qui desires vie eternelle Tu as cy doctrine notable pour bien finer vie mortelle La dance macabre sappelle Que chascun a dancer aprent A homme et femme est naturelle Mort ne spergne petit ne grant </p></li><li><p>En ce mirouer chascun peut lire Qui li conuient ainsi danser Saige est cellui qui bien si mire Le mort le vif fait auancer Tu vois les plus grans commencer Car il nest nul que mort ne fiere Cest piteuse chose y penser Tout est forge dune matire </p><p>Le mort </p><p>Vous qui viuez certainement Quoy quil tarde ainsi danseres Mais quant/ dieu le scet seulement Auisez: comme nous vous feres Dam pape. vous commenceres Comme le plus digne seigneur En ce point honnoure seres Au grant maistre est deu lonneur </p><p>Le pape </p><p>Hee: fault il que la danse maine Le premier: qui suis dieu en terre Iay eu dignite souueraine En leglise comme saint pierre Et comme autre mort me vient querre Encor point mourir ne cuidasse Mais la mort a tous maine guerre Peu vault honneur qui si tost passe </p><p>Le mort </p><p>Et vous le non pareil du monde Prince &amp; seigneur grant emperiere Laisser vous fault la pomme ronde Armes/ ceptre/ timbre/ baniereIe ne vous lairray pas derrire Vous ne </p></li><li><p>pouez plus seignourir I en maimne tout cest ma manire Les filz adam fault tous mourir. </p><p>Lempereur </p><p>Ie ne scay deuant qui iappelle De la mort: qui si me demaine Armer me fault de pic de pelle Et dung linceul/ ce mest grant peine Sur tous ay eu grandeur mondaine Et morir me fault pour tout gaige Quest ce de ce mortel demaine Les grans ne lont pas dauantaige </p><p>Le mort </p><p>Vous faictes lesbahy se semble Cardinal: sus lgrement Suiuons les autres tous ensemble Rien ny vault esbahissement Vous aues vescu haultement Et en honneur a grant diuis Prenez en gre les batement En grant honneur se pert laduis </p><p>Le cardinal </p><p>Iay bien cause de mes bahir Quant ie me voy de si pres pris La mort mest venue assaillir Plus ne vestiray vert ne gris Chapeau rouge: chape de pris Me fault laisser a grant destresse Ie ne lauoye pas apris Toute ioye fine en tristesse </p><p>Le mort </p><p>Venez noble roy couronne Renomme de force &amp; prouesse Iadis fustes enuironne De grans pompes de grant noblesse Mais maintenant toute haultesse Lesseres: vous nestes pas seul Peu aures de vostre richesse Le plus riche na qun linceul </p></li><li><p>Le roy </p><p>Ie nay point apris a danser A danse &amp; note si sauuaige Las on peult bien veoir &amp; penser Que vault orgueil/ force/ lignage Mort destruit tout cest son vsage Aussi tost le grant que le mendre Qui moins se prise plus est sage En la fin fault deuenir cendre </p><p>Le mort </p><p>Patriarche pour basse chiere Vous ne poues estre quite Vostre double croix quauez chiere Vng autre aura: cest equite Ne pensez plus a dignite Ia ne serez pape de romme Pour rendre compte estes cite Folle esperance decoit lomme </p><p>Le patriarche </p><p>Ie voy bien que mondain honneur Ma deceu: pour dire le voir Mes ioyes a tourne en douleur Et que vault tant donneur auoir Trop hault monter nest pas scauoir Hauls estas gastent gens sans nombre. Mais peu le veulent parceuoir A hault monter le fais encombre </p><p>Le mort </p><p>Cest de mon droit que ie vous maine A la dance gent connestableLe plus fort: comme charlemaigneMort prent: cest chose veritableRien ny vault chiere espouentableNe forte armeure en cest assaultDun cop iabas le plus estableRien nest darmes quant mort assault </p><p>Le connestable </p><p>Iauoye encor intentionDassaillir chasteau: forteresseEt mener a subiectionEn acquerant honneur/ richesseMais ie voy que toute prouesseMort met abas: cest grant despitTout lui est vng: doulceur rudesseContre la mort na nul respit </p></li><li><p> Le mort </p><p>Que vous tirez la teste arriereArcheuesque tirez vous presAuez vous paour quon ne vous fiereNe doubtez. vous venrez apresNest pas tousiours la mort empresTout homme &amp; le suyt coste a costeRendre conuient debtes &amp; prestzVne fois fault compter a loste </p><p>Larcheuesque </p><p>Las ie ne scay ou regarderTant suis par mort a grant destroitOu fuiray ie pour moy aiderCertes qui bien la congnoistroitHors de raison iamais nistroitPlus ne gerray en chambre painteMourir me conuient cest le droitQuant faire fault cest grant contrainte </p><p>Le mort </p><p>Vous qui entre les grans baronsAuez eu renom cheualierOubliez trompettes. claronsEt me suiuez sans sommeillerLes dames soulies reueillerEn faisant dancer longue pieceA autre dance fault veillerCe que lung fait lautre depiece </p><p>Le cheualier </p><p>Or ay ie este auctoriseEn plusieurs faitz &amp; bien fameDes grans &amp; des petis priseAuec ce des dames ameNe oncques ne fu diffameA la court de seigneur notableMais a ce cop suis tout pasmeDessoubz le ciel na rien estable </p></li><li><p> Le mort </p><p>Tantost naurez vaillant ce picDes biens du monde: et de natureEuesque. de vous il est picNon obstant vostre prelatureVostre fait gist en auantureDe vos subietz fault rendre compteA chascun dieu fera droictureNest pas asseur qui trop hault monte </p><p>Leuesque </p><p>Le cueur ne me peult esiouirDes nouuelles que mort maporteDieu vouldra de tout compte ouyrCest ce que plus me desconforteLe monde aussi peu me conforteQui tous a la fin desheriteIl retient tout: nul rien nemporteTout ce passe fors le merite </p><p>Le mort </p><p>Auancez vous gent escuierQui scauez de dancer les toursLance porties et escu hierEt huy vous finerez vos ioursIl nest rien qui ne praigne coursDansez &amp; pensez de suiuirVous ne pouez auoir secoursIl nest qui mort puisse fuyr </p><p>Lescuier </p><p>Puis que mort me tient en ses lasAu moins que ie puisse vng mot direAdieu deduis: adieu soulasAdieu dames plus ne puis rirePensez de lame qui desireRepos: ne vous chaille plus tantDu corps: qui tous les iours empireTous fault mourir on ne scet quant </p></li><li><p> Le mort </p><p>Abbe: venez tost vous fuyesNayez ia la chiere esbahieIl conuient que la mort suiuezCombien que moult lauez hayeCommandez a dieu labbayeQui gros &amp; gras vous a nourryTost pourrires a peu dayeLe plus gras est premier pourry </p><p>Labbe </p><p>De cecy neusse point enuieMais il conuient le pas passerLas or nay ie pas en ma vieGarde mon ordre sans casserGardez vous de trop embrasserVous qui viuez au demourantSe vous voulez bien trespasserOn saduise tart en mourant </p><p>Le mort </p><p>Baillif qui scauez quest iusticeEt hault &amp; bas: en mainte guisePour gouuerner toute policeVenez tost a ceste assiseIe vous adiourne de main misePour rendre compte de vos faitzAu grant iuge qui tout vng priseVng chascun portera son fais </p><p>Le baillif </p><p>He dieu: vecy dure iourneeDe ce cop pas ne me gardoyeOr est la cause bien tourneeEntre iuges honneur auoyeEt mort fait raualler ma ioyeQui ma adiourne sans rappelIe ny voy plus ne tour ne voyeContre la mort na point dappel </p></li><li><p> Le mort </p><p>Maistre pour vostre regarderEn hault: ne pour vostre clergieNe pouez la mort retarderCy ne vault rien astrologieToute la genealogieDadam: qui fut le premier hommeMort prent. ce dit theologieTous fault mourir pour vne pomme </p><p>Lastrologien </p><p>Pour science: ne pour degrezNe puis auoir prouisionCar maintenant tous mes regretzSont: mourir a confusionPour finable conclusionIe ne scay rien que plus descrireIe pers cy toute aduisionQui vouldra bien mourir bien viue </p><p>Le mort </p><p>Bourgois: hastez vous sans tarderVous nauez auoir ne richesseQui vous puisse de mort garderSe des biens dont eustes largesseAuez bien vse. cest sagesseDautrui vient tout: a autrui passeFol est qui damasser se blesseOn ne scet pour qui on amasse </p><p>Le bourgois </p><p>Grant mal me fait si tost laisserRentes. maisons/ cens/ nourritureMais paures. riches abaissierTu fais mort: telle est ta nature.Sage nest pas la creatureDamer trop les biens qui demeurentAu monde. et sont siens de droictureCeulx qui plus ont. plus enuiz meurent </p></li><li><p> Le mort </p><p>Sire chanoine prebendezPlus naurez distributionNe gros: ne vous y attendezPrenez cy consolationPour toute retributionMourir vous conuient sans demeureIa ny aurez dilationLa mort vient quon ne garde leure </p><p>Le chanoine </p><p>Cecy guere ne me confortePrebende suis en mainte egliseOr est la mort plus que moy forteQui tout emmaine: cest sa guiseBlanc surpelis: aumusse griseMe fault laisser: et a mort rendreQue vault gloire si tost bas miseA bien mourir doit chascun tendre </p><p>Le mort </p><p>Marchant regardez par decaPlusieurs pays auez cherchieA pie: et a cheual de piecaVous nen serez plus empescheVecy vostre dernier marcheIl conuient que par cy passezDe tout soing serez despescheTel couuoite qui a assez </p><p>Le marchant </p><p>Iay este a mont et aualPour marchander ou ie pouoiePar long temps: a pie: a cheualMais maintenant pers toute ioyeDe tout mon pouoir acqueroyeOr ay ie assez mort me contraintBon fait aler moyenne voyeQui trop embrasse peu estraint </p></li><li><p> Le mort </p><p>Ales marchant sans plus resterNe faictes ia cy resistanceVous ny pouez rien conquesterVous aussi homme dastinenceChartreux prenez en pacienceDe plus viure nayez memoireFaictes vous valoir a la danseSur tout homme mort a victoire </p><p>Le chartreux </p><p>Ie suis au monde pieca mortPar quoy de viure ay moins enuieIa soit que tout homme craint mort.Puis que la chair est assouuiePlaise a dieu que lame rauieSoit es cieulx apres mon trespasCest tout neant de ceste vieTel est huy qui demain nest pas </p><p>Le mort </p><p>Sergent qui portes celle maceIl semble que vous rebellezPour neant faictes la grimaceSon vous greue si appellezVous estes de mort appellezQui lui rebelle il se decoitLes plus fors sont tost rauallezIl nest fort quaussi fort ne soit. </p><p>Le sergent </p><p>Moy qui suis royal officierComme mose la mort frapperIe faisoye mon office hyerEt elle me vient huy happerIe ne scay quelle part eschapperIe suis pris deca &amp; delaMalgre moy me laisse attrapperEnuiz meurt qui apris ne la </p></li><li><p> Le mort </p><p>Ha maistre par la passerezNaiez ia soing de vous deffendrePlus hommes nespouenteresApres moine sans plus attendreOu penses vous si fault entendreTantost aurez la bouche closeHomme nest fors que vent &amp; cendreVie dhomme est moult peu de chose </p><p>Le moine </p><p>Iamasse mieulx encore estreEn cloistre &amp; faire mon seruiceCest vng lieu deuot &amp; bel estreOr ay ie comme fol et niceOu temps passe commis maint viceDe quoy nay fait penitanceSouffisant/ dieu me soit propiceChacun nest pas ioyeux qui dance </p><p>Le mort </p><p>Vsuriers. de sens desriglesVenez tost. et me regardezDusure estes tant aueuglesQue dargent gaigner tout ardezMais vous en serez bien lardezCar ce dieu qui est merueilleuxNa pitie de vous tout perdezA tout perdre est cop perilleux </p><p>Lusurier </p><p>Me conuient il si tost mourirCe mest grant peine et greuanceEt ne me pourroit secourirMon or mon argent ma cheuanceIe vois mourir la mort mauanceMais il men desplaist somme touteQuest ce de male acoustumanceTel a beaux yeulx qui ne voit goute </p></li><li><p>Le poure homme </p><p>Vsure est tant mauuais peche Come chascun dit: &amp; racompte Et cest homme qui approche Se sent de la mort: nen tient conte Mesme largent: quen ma main compte: Encor a vsure me presteIl deura de retour au compte: Nest pas quite qui doit de reste </p><p>Le mort </p><p>Medecin a tout vostre orine Voyez vous icy quamender Iadis sceutes de medecine Assez pour pouoir commander Or vous vient la mort demander Comme autre vous conuient mourir Vous ny pouez contremander Bon mire est qui se scet guerir </p><p>Le medecin </p><p>Long temps a quen lart de phisiqueIay mis toute mon estudie Iauoys science et pratique Pour guerir mainte maladie Ie ne scay que ie contredie Plus ny vault herbe ne racine Nautre remede quoy quon die Contre la mort na medecine </p><p>Le mort </p><p>Gentil amoureux gent et frique Qui vous cuidez de grant valeur Vous estes prins la mort vous piqueLe monde lairez a douleur Trop lauez ame: cest foleurEt a mourir peu regarde. Ia tost vous changeres couleur Beaute nest que ymage farde </p><p> Lamoureux </p><p>Helas: or ny a il secours Contre la mort adieu amourettes Moult tost va ieunesse a decours Adieu chapeaux boucques florettes Adieu amans et pucellettes Souuienne vous de moy souuent Et vous mires se sages estes Petite pluye abat grant vent </p></li><li><p> Le mort </p><p>Aduocat sans long proces faireVenez vostre cause plaidierBien auez sceu les gens attraireDe pieca non pas duy ne dyerConseil si ne vous peut aiderAu grant iuge vous fault venirSauoir le deuez sans cuiderBon fait iustice preuenir </p><p>Laduocat </p><p>Cest bien droit que raison se faceNe ie ny scay mettre deffenceContre mort na respit ne graceNul nappelle de sa sentenceIay eu de lautruy quant ie y penseDequoy ie doubte estre reprisA craindre est le iour de vengeanceDieu rendra tout a iuste pris </p><p>Le mort </p><p>Menestrier qui dances et notesScauez: et auez beau maintienPour faire esiouir sos et sotesQuen dictes vous: alons nous bienMonstrer vous fault puis que vous tienAux autres cy vng tour de danceLe contredire ny vault rienMaistre doit monstrer sa science </p><p>Le menestrier </p><p>De danser ainsi neusse cureCertes tresenuiz ie m'en mesleCar de mort nest peine plus dureIay mis soubz le banc ma viellePlus ne corneray sauterelleNautre danse. mort men retientIl me fault obeir a elleTel danse a qui au cueur nen tient </p></li><li><p> Le mort </p><p>Passes cure sans plus songerIe sens questes abandonneLe vif/ le mort solies mengerMais vous seres aux vers donneVous fustes iadis ordonneMiroer dautruy et exemplaireDe voz fais seres guerdonneA toute paine est deu salaire </p><p>Le cure </p><p>Vueille ou non il fault que me rendeIl nest homme que mort nassailleDe mes parroissiens offrendeNauray iames: ne funerailleDeuant le iuge fault que ie ailleRendre compte las douloureuxOr ay ie grant paour que ne failleQui dieu quitte bien est eureux </p><p>Le mort </p><p>Laboureur qui en soing &amp; peineAuez vescu tout vostre tempsMorir fault cest chose certaineReculler ny vault ne contemnsDe mort deues estre contensCar de grant soussi vous deliureApprochez vous ie vous attensFol est qui cuide tousiours viure </p><p>Le laboureur </p><p>La mort ay souhaitte souuentMais voulentiers ie la fuisseIamasse mieulx fist pluye ou ventEstre es vignes ou ie fouisseEncor plus grant plaisir y prisseCar ie pers de paour tous proposOr nest il qui de ce pas ysseAu monde na point de repos </p></li><li><p> Le mort </p><p>Faictes voye vous auez tortLaboureur apres cordelierSouuent auez presche de mortSi vous deuez moins merueillerIa ne sen fault esmoy baillerIl nest si fort que mort naresteSi fait bon a mourir veillerA toute heure la mort est preste </p><p>Le cordelier </p><p>Quest ce que de viure en ce mondeNul homme a seurte ny demeureToute vanite y habundePuis vient la mort qua tous court seureMendicite point ne masseureDes meffaitz fault payer lamende.En petit dheure dieu labeureSage est le pecheur qui samende </p><p>Le mort </p><p>Petit enfant naguere neAu monde auras peu de plaisanceA la danse seras meneComme autre: car mort a puissanceSur tous: du iour de sa naissanceConuient chascun a mort offrir:Fol est qui nen a congnoissanceQui plus vit plus a a souffrir </p><p>Lenfant </p><p>A: a: a: ie ne scay parlerEnfant suis: iay la langue mueHyer nasquis huy men fault alerIe ne fais quentree &amp; yssueRien nay meffait mes de paour suePrendre en gre me fault cest le mieulxLordonnance dieu ne se mueAussi tost meurt ieune que vieux </p></li><li><p> Le mort </p><p>Cuidez vous de mort eschapperClerc esperdu pour reculerIl ne sen fault ia defripperTel cuide souuent hault allerQuon voit acop tost rauallerPren...</p></li></ul>